Tempo de Cogomelos

 Inicio / Tempo de Cogomelos
Compartir:

Tempo de Cogomelos

FONTE DE MICRONUTRIENTES
Os cogomelos, ademais de seren unha delicia, representan unha fonte importante de selenio, elemento moi importante para o metabolismo humano, sendo un dos micronutrientes que posúen un maior efecto antioxidante e de protección contra algúns tipos de cancro. O seu alto contido en polisacáridos comporta unha acción beneficiosa sobre o sistema inmunolóxico.  
Conteñen ademais un tipo de glícidos que se comportan no aparato dixestivo humano de xeito semellante á fibra alimentaria e, polo tanto,  regula o tránsito intestinal. Os cogomelos tamén aumentan a excreción de ácidos biliares e teñen propiedades antioxidantes e hipocolesterolemiantes.  

OS COGOMELOS NA COCIÑA

Das máis de 3.500 especies de cogomelos que existen en Europa, podemos afirmar que unhas 150 son comestibles, das cales 20 son consideradas como excelentes, 30 como moi boas e o resto como boas ou pouco saborosas, dependendo do padal e gustos de cada un. Destas 3.500, 100 son potencialmente velenosas ou tóxicas, algunhas mesmo mortais, e o resto considéranse como non comestibles por diversas circuntancias, polo tamaño, pola súa dureza ou brandura, polo seu sabor excesivamente agre ou picante ou de arrecendo moi desagradable, etc.
Os cogomelos conteñen entre un 70% e un 90% de auga un, 6% de hidratos de carbono,  sobre todo polisacáridos (celulosa e hemicelulosa), glícidos, lípidos (graxas 0,4%, proteínas 3%, sales minerais entre un 0,5 e un 1,5% dependendo das especies, entre estes sales os máis comúns son: potasio, fósforo e sodio, en menor cantidade ferro, magnesio, zinc, cobre, aluminio e cadmio,  vitaminas (A, D, B1, B2, PP, C, D, K ), fibra e outros oligoelementos. Algúns posúen compostos químicos aromáticos, colorantes, toxinas, substancias psicotrópicas e substancias farmacolóxicas. O seu poder enerxético calcúlase nun promedio de 42 calorías por 100 g de cogomelos frescos e 315 calorías de cogomelos secos.  
A maioría non se deben consumir en cru, teñen que sufrir un pequeno proceso de transformación na cociña: ben cocéndoos, ben pasándoos pola tixola ou ben facendo o prato que imos comer directamente.
O mellor é que veñades a esta vosa casa e vos deixedes sorprender... Agardámosvos!!  


MENÚ DEGUSTACIÓN MICOLÓXICO (SEMANA 1)
3 pratos, sen incluír bebidas: 16€

. Viriatos ao alliño
. Fungos da muña estufados e ovo
. Solombo de porco, salteado de cogomelos e puré de castaña

© CasAlexo | Rúa Pardo Baixo, 15, 15403 Ferrol, Galicia, Spain - | T: +34 981 354 053 | info@casalexo.comAviso legal